Cəmil Hacıyev yenə polisin hədəfindədir.
İş günləri başlayan kimi yenə daha bir teleqram aldıq. Cəmil Hacıyevi bu dəfə Bakı Şəhər Baş Polis İdarəsinə çağırıllar. Bu barədə Cəmil Hacıyevin bacısı Sevil xanım redaksiyamıza xəbər verib. O bildirir ki: "Cəmil Milli Şuranın hər hansı tədbirində iştirak edən kimi onu ya həbs edilər yada, polis bölməsində qol qabirğasını sındırıb buraxırlar. Yanvar aının 10da onu yenidən polis bölməsində əli qandalı şəkildə döyəndən sonra, yanvarın 18-də 20 gün həbs ediblər. Bu barədə bizə onun yanında həbsini bitirən bir nəfər xəbər verdiki, Cəmili 20 günlük həbs ediblər və ora xüsüsi adamlar gəlib ona işgəncə verillər. Cəmil məhkəməyə vəkilsiz çıxarılıb eyni zamanda ona yaxınlarınada məlumat verməyə imkan verməyiblər. 2 aprel tarixində yenidən teleqram almışıq. Mart ayının 19da böyük qardaşım İlham Hacıyevi evimizdən zorla mülkü maşına basıb apardılar. Bu azmış kimi mülki geyimli, özlərini təqdim etmirlər. DİN-nin 102 xidməti bizim ailənin şikayətinə baxmır. Bizim ailəmiz bu ölkədə xalq düşməni statusundadır. Yaşadığımız mənzilə gələnlər Cəmili axtardıqlarını və çağırış teleqramlarına niyə gəlmədiyini soruşurlar. Onlar Cəmilin siyasi faəliyyətinə görə ikinci kurs tələbəsi olan qardaşım oğlunun həbs edilcəyi və mənim azyaşlı evladımın məhkəmə vasitəsi ilə əlimdən alınacaqları ilə hədələyirlər. Həyat yoldaşımı polisə aparıb mənə qarşı qoyurlar. Qardaşım daha oğluna maşın sürməyi qadağa edib, hər dəfə heç bir inzibatı xəta törədmədiyi halda zorla maşını onun əlindən alıb, cərimə meydançasına qoyurlar. Sonda qanunsuz şəkildə elə protokollar yazırlar ki, cəriməsi 1000 manata yaxın olur. Bütün bunlar Cəmilin Milli Şuranın və Xalq parlamentinin üzvü kimi siyası fəaliyyətin ilə əlaqədardır. Görünən budur ki, YAP hakimiyyətinə qarşı olan bütün aktivistlər ya həbs edilməlidir yada siyasi ombisiyalarından əl çəkməlidir. Cəmil heç vaxt xalqın malını talayan YAP hakimiyyəti ilə razılaşmayacaq. Onun tənqidi çıxışları hər bir sadə vətəndaşın ürəyindən xəbər verir"
Məsələ ilə əlaqədar Bakı Şəhər Baş Polis İdarəsi ilə dəfələrlə əlaqə saxlasaqda məsələ barəsində məlumat verməkdən imtina etdilər.
